Wirst als Madl geburn,
dann hast scho verlurn!
Weil des schwache Geschlecht,
macht alles falsch und nix recht,
und a Vater ist nur stolz,
auf an Buam, aus sein Holz,
weil die Freund lachen eahm aus,
wenn nur a Madl wurn ist draus.

So geht´s weiter im Leben,
du derfst nie nehma, nur gebn,
muaßt immer schlank sei und fesch,
und derfst waschn die Wäsch,
und a paar Kinder kriagn dazua,
für des bist grad guat gnua,
schließlich bist ja nur a Frau,
daher ah net besonders schlau,
und bevur dei Hintern wird brat,
und dir in ganzen Tag is fad,
weil des bißl Arbeit im Haus,
des füllt die ja net aus
und a bißerl a zusätzliches Geld
was halt für´s Auto so fehlt,
könnt´st scho so nebenbei verdiena,
und auf d´Nacht dann no alle bediena,
weil schließlich hat ja dei Mann
für´d Familie scho gnua tan.

Da d´Herrn statt telephoniern,
liaber in Wirtshaus diskutiern,
hast als Frau niemals frei,
weilst ah no sei Sekretärin muaßt sei.

Und auf´d Nacht machtst di dann sche,
ziagst an dei Negligee,
bist fit und für alles bereit,
weils di wirklich jetzt gfreit,
dein Mann nach sein schweren Arbeitstat,
des is doch überhaupt ka Frag,
ah no im Bett ordentlich zu verwehna,
wennst dir ah denkst, schlafen wär jetzt schena.

Verlierst du irgendwann dei Kraft,
weil du des alles nimmer schaffst,
dei Seel und Körper z´sammenbricht,
dann denk dran, es ist deine Pflicht,
von der Wiege bis ins Grab hinein,
ein gutes Weib für den Mann zu sein!!